النهارده هحكيلكم حكاية مرعبة اتعرض لها الفنان طلعت زكريا...ابو منشة؟!

النهارده هحكيلكم حكاية مرعبة اتعرض لها الفنان طلعت زكريا...ابو منشة!
طلعت زكريا بيحكي ويقول لما كنت صغير في ابتدائي كنت بروح العب كورة أنا و تلاته أصحابي عند منطقة في اسكندريه إسمها العمود .. العمود دي مقاپر واسمها مقاپر العمود... هو عمود كبير سور وليه تلات بيبان.. ما بين البوابة والتانية حته كبيرة... المهم في يوم كنا بنلعب كورة مع جماعة أصحابنا... احنا مكناش بنلعب جوه المقاپر.. إحنا كنا بلعب جنب السور اللي ارتفاعه كبير وليه بوابة جديد كبيرة مقفولة بقفل .. البوابة دي مش بتتفتح نهائي بليل.. هي بتتفتح بس في وقت الزيارات...

في يوم كنا بنلعب على فلوس... وفريقي اللي كانوا أربعة اللي كنت واحد منهم هو اللي كسب الماتش... فاحنا كنا بنقسم الفلوس علينا إحنا الأربعة.. انا كنت الريس بتاعهم.. فأنا كنت اللي بوزع الفلوس وكنت باخد النصيب الأكبر في الفلوس.. المهم احنا وقفنا إحنا الأربعة قدام بوابة من بوابات العمود اللي كانت مقفولة ومش بتتفتح خالص غير وقت الزيارة.. وكنا بنفرق الفلوس.. وقتها كانت الساعة عشرة بليل... والفرقة التانية اللي كنا بنلعب معاهم مشيو ... يعني ماكنش ف غيرنا في الحته دي... هو اه كان في عربيات بتمر من جنبنا بس مكنتش عربيات كتير.. فين وفين لما تعدي عربية..
فجأة واحنا واقفين لقينا الباب الجديد اللي كان تقيل جدا ومقفول بقفل بيتفتح بشويش! عارف انت البوابات اللي بتتفتح بالكهربا وبتتفتح بشويش.. هو الباب بقى كان بيتفتح بنفس طريقة البوابة الكهربائية! فضلنا بصين على البوابة لحد ما اتفتحت على اخيرها وفجأة طلع منها واحد قصير اوي طوله مايعديش متر! كان قزم خرج من جوه المقاپر! كان شكله غريب لابس جلبية وفوقيها جاكته! وماسك في أيده منشة ! عارفين المنشة اللي بيمسكوها بتوع زمان اللي ف الستينات.. هو ماسك زيها... وكمان كان لابس طربوش احمر زي بتوع زمان!.. شكله كان كوميدي اوي! ... 
وقتها قلنا له بتهريج ايه ده عفريت... احنا اصلا بنتعامل معاه على أنه شخص كوميدي لان معروف عن الاقزام بيكونوا دمهم خفيف... لكن لقينا الشخص ده لما قلنا له كده.. بص لنا پغضب وراح لافف ضهره ومشي بخطوة سريعة ل جوه المقاپر.. وطول ما هو ماشي كان بينش بالمنشة! إحنا بدأنا ندخل وراه وكل ده فاكرين أنه راجل عادي واحنا فضولنا مخلينا عايزين نعرف مين ده... مشينا وراه ...
.. وهو حود شمال عند السور الثاني من المقاپر واحنا وراه .. فجأة الشخص ده شفناه بعنينا وهو بيقصر ويقصر لحد ما تلاشه مبقاش ليه
وجود في اللحظة دي خفت اوي وقلت لاصحابي الحقو ده عفريت ده صغر لحد ما اختفى طبعا مصدقوش وقالولي عفريت ايه ياعم ده راجل عادي !...
وعشان نتاكد احنا رحنا لنفس المكان اللي وقف فيه وكان واقف فوق بلاعه وكانت مقفولة .. وكمان مافيش غير فتحه صغيره اوي انا هنا قلت لهم صدقتوني أنه عفريت أهو دخل جوه البلاعه ومن هنا بيخرج السور العمود
التلاته ما صدقوش وقالولي لا ده شخص عادي ويمكن وقع في البلاعة ! قلت لهم ازاي يعني وقع في البلاعه وهي مقفولة اصلا! قالولي ما نعرفش بس ده مش عفريت انا كنت مصر أنه
عفريت... بعد الموقف ده بفترة .. كان في واحد صاحبي بيجيلي من القاهرة وحكت له حكاية ابو منشة .. وبرضه مكنش مصدق اللي حصل.. واصحابي التلاته اللي كانوا معايا حكوله بس هما قالو لصحبي اللي كان إسمه فاضل عن ابو منشه بس قالوله أنه مش عفريت.. بس انا كنت مصر أنه عفريت فاضل ما صدقناش خالص..
فأنا قلت له ايه رايك يا فاضل تيجي معانا وتشوف بنفسك قالي ماشي اجي معاكم.. فاضل جه معانا يوم وفضلنا مستنييين ابو منشه قدام البوابة لكنه مطلعش .. يوم والتاني ومجاش لكن في اليوم التالت طلع لنا ابو منشه طلع بنفس الطريقة.. الباب
الجديد اتفتح بشويش عشان بعدها يطلع ابو منشه بنفس لبسه...
جلابيه وفوقيها جاكته وطربوش على رأسه وفي أيده منشه بينش بيها ع وشه أول ما طلع قلت لفاضل صدقتني اني مش بكدب عليك إحنا بقى بدأنا نستفز ابو منشه ! علينا صوتنا انا وفاضل وصاحبي الاتنين واحنا بنقول له يا ابو منشه يا كذا كنا بنشتمه عشان نستفزه ويجي يلعب معانا احنا بس كنا عايزنه يجي ونعرف مين ده بس هو ولا عبرنا بصلنا بستهزاء وراح داخل جوه المقاپر من البوابة الحديد في اللحظة دي لقيت
فاضل جري ودخل وراه...
فضلت انا واصحابي ننادي على فاضل يا فاضل ارجع ارجع يا فاضل وفاضل ماردش وجري دخل ورا ابو منشه ومن اليوم ده
ماشفتش فاضل فاضل كان صاحبي واحد يومنا ده معرفش عنه
حاجة من يوم ما دخل ورا ابو منشه.....
قصة ابو منشه اللي بيطلع بليل من عند مقاپر العمود مشهورة
جدا في اسكندريه... أنتم ايه رايكم يا أهل إسكندرية الحكايات
دي فعلا بتحصل وأبو منشه ده فعلا بيطلع من عند مقاپر
العمود !
ابو_منشة_طلعت زكريا
تمت القصة ودمتم في امان الله هدفها توعية المجمتع وتقديم كل ما هو قيم ومفيد نتمنى لكم قراءة ممتعة ومفيدة انتظرونا للمزيد من القصص والروايات ومعلومات عامة نتمنى لكم التوفيق .
اذا انتهيت من القراءة صلي على النبي .