انا احمد من المنيا 27سنة مدرس رياضة بعد اسبوع من زواجي
انت في الصفحة 1 من 4 صفحات
القصه دي حقيقيه حصلت بالفعل
تعالوا نصلي علي النبي ونسمع الحكاية
انا احمد من المنيا 27سنة مدرس رياضة
بعد اسبوع من زواجي
جالنا اصحاب مراتي علشان يسلمو ويطمنو عليها كلهم من نفس سنها كانو اصحاب من الجامعه وانا اعرفهم من ايام الخطوبه وكانو دايما مع بعض في الجامعه هي أول واحده في أصحابها تتجوز
كانت سهره حلوه جدا هزار وضحك وطبعا اتفرجو علي كل الشقه والحاجات بتاعتها ولبسها كله وكانو معجبين جدا بديكور الشقه والعفش والاجهزه ماسبوش حاجه الا لما شافوها
واكلنا سهرانا وكانت اجمل الزيارات اللي جتلنا بعد فرحنا مشيو حوالي الساعه عشره بالليل قامت مراتي تظبط الصاله وتشيل الكوبيات والحاجات اللي استعملناها وراحت تغسلهم في المطبخ وانا اساعدها وانضف السجاده والترابيزه ومكان ما كنا قاعدين
ودخلنا السرير وبنتكلم عن أصحابها اللي كانو لسه ماشيين لقيت حد بيخبط علي باب الاوضه
انا قولت اكيد تهيؤات
وتقريبا هي كمان مركزتش مع الصوت وكلملنا كلام عادي مفيش ربع ساعه لقيت خبط علي الباب تاني بصينا لبعضنا وقولتلها في دي تاني مره اسمع الصوت ده
قالتلي وانا كمان واحنا متأكدين ان مفيش حد غيرنا في الشقه وانا متأكد اني قفلت الباب كويس
سكتنا وهي خاڤت وانا قولتلها ثواني قمت نورت النور الكبير وخرجت اشوف في ايه ملقتيش
وفضلت اهديها لما نامت وانا متأكد ان الخبط كان علي باب الاوضة نامت ونمت انا كمان وصحيت الصبح لقيتها صاحيه ومجهزه الفطار فطرنا عدي اليوم تمام واول ما دخلنا الاوضه ونمنا علي السرير لقينا الصوت تاني
لقيتها اتنفضت من الخۏف جانبي طمنتها وقمت من جانبها اخدت بخاخه فاضيه وعبيتها مياه
وقريت عليها الرقيه الشرعيه وآيات معينه سورة البقرة وآل عمران والصافات آية الكرسي والمعوذتين والأخلاص
وشغلت التليفزيون علي قناه القرءان الكريم
ودخلت الاوضه وبقرب من مراتي لقيت باب الشقه الخارجي بيخبط تاني
طبعا مراتي بقت مېته من الړعب بس انا اتأكدت اني اثرت علي المخلوق ده وقدرت اخرجه من الشقه
طمنتها وقولتلها مش هتسمعي صوت تاني خرجت فتحت باب الشقه ورشيت قدامها تقريبا رشيت الدور كله
والسلم فوق وتحت وباب الأسانسير ودخلت عشان اشوف اخرتها معاه
اكيد الكل مستغرب انا ليه بتعامل بهدوء كدا ومش خاېف
ودا اولا عشان انا ليه
